ឯកឧត្តម លី ណាវុឌ្ឍ អគ្គនាយករង នៃប៊ែលធី គ្រុប និងជាសាកលវិទ្យាធិការ នៃសាកលវិទ្យាល័យ ប៊ែលធី អន្តរជាតិ បានអញ្ជើញចូលរួមមានមតិ និងរបាយការណ៍សង្ខេប ក្នុង “កម្មវិធីចែករំលែកបទពិសោធន៍” ក្រោមប្រធានបទ៖ “កិច្ចការបរទេស និងសហប្រតិបត្តិការអន្តរជាតិ នៃរដ្ឋសភា” ក្រោមអធិបតីភាព និងជាវាគ្មិនកិត្តិយសដ៏ខ្ពង់ខ្ពស់របស់ ឯកឧត្តម សួស យ៉ារ៉ា ប្រធានគណៈកម្មការ កិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា និងជាប្រធានក្រុមរដ្ឋសភាកម្ពុជានៃសភាវ័យក្មេង ព្រមទាំងឯកឧត្តម លោកជំទាវ ជាសមាជិកគណៈកម្មការទី៥ នៃរដ្ឋសភា។ នៅក្នុងកម្មវិធីនេះដែរក៏មានការអញ្ចើញចូលរួមពីសំណាក់ឯកឧត្តមបណ្ឌិត លី ឆេង តំណាងរាស្ដ្រមណ្ឌលរាជធានីភ្នំពេញ ស្ថាបនិក-អគ្គនាយក នៃប៊ែលធី គ្រុប និងជាប្រធានក្រុមប្រឹក្សាភិបាល នៃសាកលវិទ្យាល័យ ប៊ែលធី អន្តរជាតិ ព្រមទាំងឯកឧត្តម លោកជំទាវ ជាអគ្គនាយករង-អគ្គនាយិការង នៃប៊ែលធី គ្រុប ក៏ដូចជា ថ្នាក់ដឹកនាំ បុគ្គលិក សាស្រ្តាចារ្យ និងនិស្សិត មកពីគ្រប់មហាវិទ្យាល័យ និងជនស្ម័គ្រចិត្ត ស.ស.យ.ក. កាកបាទក្រហមកម្ពុជា និងកាយរឹទ្ធិ នៃសាកលវិទ្យាល័យ ប៊ែលធី អន្តរជាតិ សរុបចំនួនប្រមាណជាង ២,២៦៥ នាក់។ កម្មវិធីនេះប្រព្រឹត្តិទៅនាថ្ងៃទី២៣ ខែមេសា ឆ្នាំ២០២៥ នៅសាកលវិទ្យាល័យ ប៊ែលធី អន្តរជាតិ ទីតាំងទី២-ស្ពានអាកាសចោមចៅ និងផ្សាយបន្តផ្ទាល់តាមរយៈប្រព័ន្ធអេឡិចត្រូនិក (ZOOM Workplace) ទៅកាន់សាកលវិទ្យាល័យ ប៊ែលធី អន្តរជាតិ ទីតាំងទី១-ទួលស្លែង។